Qaz-neft-mədən fakültəsi
Qısa tarixi arayış
ADNSU-nun aparıcı fakültələrindən biri olan Qaz-neft-mədən fakültəsində kadr hazırlığı 1920-cı ildən həyata keçirilir. 1920-1930-cu illərdə fakültə “Neft-sənaye”, 1930-1936-cı illərdə “Dağ-mədən”, 1936-1940-cı illərdə “Dağ-mədən və neft texnologiyası”, 1940-1979-cu illərdə “Neft-mədən” adlandırılıb. 1979-cu ildən isə “Qaz-neft-mədən” fakültəsi adı altında fəaliyyət göstərir. Fakültənin inkişafında ADNSU-ya müxtəlif vaxtlarda rəhbərlik etmiş rektorların, görkəmli alimlər akademik L.S. Leybenzon, N.S. Uspenskiy, A.R. Serebrovskiy, professor B.S. Dobrovskiy, akademiklər A.X. Mirzəcanzadə, S.M. Quliyev, M.P. Quluzadə, professorlar M.V. Abromoviç, Q.A. İbatulov, K.B. Şahbazbəyov, Z.M. Əhmədov və başqalarının fəal iştirakı və köməyi olub.
Yarandığı gündən fakültədə 24000-dən çox neftçi-mühəndis kadrları, 5000-dən çox bakalavr və 500-dək magistr hazırlanıb.
Fakültənin cari strukturu və təhsil pillələri üzrə fəaliyyəti
Hal-hazırda azərbaycan və rus bölmələri ilə yanaşı ingilis dilində də kadr hazırlığına başlanıb. Belə ki, 2016/2017-ci tədris ilindən başlayaraq prioritet ixtisas olan “Neft-qaz mühəndisliyi” 2019/2020-ci ildən isə həm də “Logistika və nəqliyyat texnologiyaları mühəndisliyi” ixtisası üzrə ingilis dilində kadr hazırlığı aparılır.
Hazırda fakültədə aşağıdakı kafedralar fəaliyyət göstərir
Fakültədə kredit sistemi ilə aşağıdakı ixtisaslar üzrə mütəxəssis hazırlığı aparılır.
|
Kafedralar |
İxtisaslar (şifri və adı) |
|
Neft-qaz mühəndisliyi |
050606 – “Neft-qaz mühəndisliyi” 050631 - “Neft-qaz mühəndisliyi” |
|
Neftin, qazın nəqli və saxlanması |
050607 – “Neft-qaz qurğuları mühəndisliyi” 050621 – “Logistika və nəqliyyat texnologiyaları mühəndisliyi” 050617 - "İnşaat mühəndisliyi" |
|
Sənaye təhlükəsizliyi və əmək mühafizəsi |
050651 – “Fövqəladə hallar və həyat fəaliyyətinin təhlükəsizliyi mühəndisliyi” 050614 – “Həyat fəaliyyətinin təhlükəsizliyi mühəndisliyi” |
2021/2022-ci ildə 050617 - “İnşaat mühəndisliyi” ixtisasının tədrisi nəzərdə tutulub.
Fakültənin əməkdaşlarının ümumi sayı 110 nəfərdən, o cümlədən 12 professor, 36 dosent, 7 baş müəllim, 5 müəllim, 20 assistent və 23 tədris-köməkçi heyətdən ibarətdir.
Qaz-neft-mədən fakültəsi haqqında ümumi məlumat
Fakütədə təhsilin 3-cü pilləsində doktorontura və dissertantura xətti ilə 38 nəfər texnika üzrə fəlsəfə doktoru, 10 nəfər isə elmlər doktoru elmi dərəcəsi almaq üçün təhsil alır. Onlardan 16-sı 2525.01 “Neft və qaz yataqlarının işlənməsi və istismarı” ixtisası, 9 nəfəri 2523.01 “Quyuların qazılması texnologiyası” ixtisası, 13 nəfəri isə 3354.01 “Neft-qaz kəmərlərinin, bazalarının və anbarlarının tikilməsi və istismarı” ixtisası üzrə fəlsəfə doktoru dərəcəsi almaq üçün təhsil alır.
Hazırda fakültədə, bakalavr pilləsində 1724 tələbə, o cümlədən 63 əcnəbi tələbə təhsil alır. Onlardan 1612 tələbə (52 əcnəbi) əyani, 112 nəfər isə (11 əcnəbi) qiyabi təhsil alır.
Qaz-neft-mədən fakültəsinin dekanı
t.e.d. dosent Elman İskəndərov
